Гамал уул
Улаанбаатар хотоос 308 км, Чингис хотын наана Гамал хэмээх сүрлэг шовх хадат уул бий. Хубилай хааны олон үр ач нарын нэг нь “Гамал” гэх нэртэй байсан гэдэг. Тэрүүхэн тэндээ байгалийн үзэсгэлэн төгөлдөр газар бөгөөд зундаа “уулын зэрлэг сакура” буюу ягаан цэцэгт бүйлс ихээр дэлгэрдэг. Уулын бэлд “Хэнтий эко” хэмээх жуулчны бааз бий. Чингис хотоос 21 км зайд орших учраас гадаад жуулчдыг хонуулах боломжтой.