Хөтөч тайлбарлагчийн ерөнхий эрдмийн мэдлэг

Аялал жуулчлалын үйлдвэрлэл:

• Монголыг гадаад орнуудад танилцуулах имидж
• Жуулчдыг хамгийн ихээр татдаг бүс газрууд
• Монголын аялал жуулчлалын сонгодог маршрут
• Жуулчны үйлчилгээний байгууллага – зочид буудал, жуулчны баазын байршил, үйлчилгээ
• Аяллын төрөл зүйлүүд – морин ба явган аялал, ууланд авирах, ан хийх, мотоцикл дугуйн аялал, шувуу цэцэг ажиглах, од ажиглах, галт тэрэг ба жийпээр аялах, мөргөлийн аялал гэх мэт 40 орчим аяллын тухай, тэдгээрийн онцлог  

Байгалийн үзэсгэлэнт болон түүхэн дурсгалт газрууд:

• Эртний Хархорин хотын түүх, одоогийн судалгаа
• Чингис хааны түүхтэй холбоотой дурсгалт газрууд
• Говь, төв, баруун, зүүн бүсийн дурсгалт газрууд
• Улаанбаатар хот дахь түүхэн дурсгалт газрууд
• Монгол нутгаар тархсан эртний чулуун дурсгалууд /Хадны сүг зураг, хиргисүүр, дөрвөлжин булш, буган чулуу, хүн чулуу, гэрэлт хөшөө гэх мэт/
• Палеонтологийн олдвор, түүний өлгий нутгууд

Монгол улсын түүх:

• Эртний улсуудын түүх, тэдгээртэй холбоотой археологийн малтлагууд
• Монголын эзэнт гүрэн байгуулагдсан тухай, улс төр шашин соёл, худалдааны нэгдмэл системийн бүрдэлт, түүхэн ач холбогдол, эзэнт гүрний унаж бутарсан шалтгаан
• Манжийн үеийн Монгол орны аж байдал
• Богд хаант Монгол улсын түүх
• БНМАУ-ын үеийн ололт амжилт ба сөрөг тал  
• Монгол орон ардчиллын зам руу шилжсэн нь, өнөөгийн байдал
• Нийслэл Улаанбаатар хотын үүсэл хөгжил, өнөөгийн байдал

Монгол дахь шашин соёл:

• Эртний уламжлалт бөө мөргөлийн тахилга ёсон
• Буддын шашин дэлгэрсэн түүх, хөгжлийн оргил үе, шашны бууралтын үе
• Буддын шашны улааны ба шарын урсгалын гол төлөөлөгчид
• Буддын сүм хийдийн ерөнхий онцлог, шашны эдлэл хэрэглэлийн утга учир, үг хэллэг
• Бурхдын утга бэлгэдэл, тэдгээрийг тайлбарлах арга
• Буддын шашны уламжлалт зан үйл, цам харайх ёс
• Аяллын бүс дэх шашны дурсгалт газрууд
• Монгол дахь Христийн болон Исламын шашны өнөөгийн байдал

Монгол улсын төрийн болон бусад бэлгэдэл

• Төрийн сүлд, Соёмбо, далбааны утга бэлгэдэл
• Есөн цагаан сүлд ба дөрвөн хар сүлдний утга бэлгэдэл
• Уламжлалт хээ болон тооны утга учрууд  

Монгол зан заншил

• Монгол гэрийн үүсэл хөгжил, нүүдлийн соёл, дэлхий дахинд үзүүлсэн нөлөө
• Монголын уламжлалт мал аж ахуй, малтай холбоотой зан үйлүүд
• Монгол үндэсний хувцас, баруун зүүн бүсийн үндэстэн ястны хувцасны ялгаа, бүрдэл хэсгүүдийн тус тусын утга бэлгэдэл, гоёл чимэглэл, эдлэл хэрэглэл үүссэн түүх, хэрэглэх онцлог
• Монгол үндэсний уламжлалт махан хоол, цагаан идээ боловсруулах, Монгол хүнд нөлөөлөх онцлог, байгаль дахь бэлэн бүтээгдэхүүнийг хэрэглэх арга
• Монголчуудын баяр ёслол, Цагаан сар, Эрийн гурван наадам, уламжлалт тоглоом
• Монголчуудын байгаль хамгаалах уламжлал, уул овоо тахих ёс,
• Монголчуудын нохой тэжээх ёс, ан гөрөө хийх ёс заншил
• Монголчуудын хурим хийх ёсон, оршуулах зан үйл
• Үндэсний цөөнх цаатан, баруун бүсийн казак ард түмний ёс заншил

Монголын ардын урлаг соёл, гайхамшигт гар урлалын бүтээлүүд

• Монгол ардын уртын дууны үүсэл хөгжил
• Морин хуурын үүсэл, өнөөгийн хөгжил
• Авиа дуурайх урлаг буюу хөөмийний үүсэл хөгжил
• Занабазарын бүтээлүүд, Дарьгангын мөнгөн урлал, Танка, зээгт наамал
• Жуулчдад зориулсан урлаг соёлын тоглолтууд, тэдгээрийн онцлог

Монгол орны газарзүй

• Монгол газар нутгийн газарзүйн мэдээлэл, байгалийн бүс бүслүүр
• Гол мөрөн нуур усны баялаг, цаг уурын өөрчлөлт
• Ургамал амьтны аймаг, тэдгээрийн хувьсал өөрчлөлт
• Газрын баялаг, ашигт малтмал уул уурхайн салбарын хөгжил,
• Хүн амын өсөлт хөгжил, эдийн засгийн үзүүлэлтүүд

Хөтөч тайлбарлагчийн ур чадварын хичээл

• Хөтөч тайлбарлагчийн үүрэг хариуцлага, эрс хориглох зүйлүүд, аяллын бэлтгэл хангах
• Хөтөч тайлбарлагч нарын түгээмэл гаргадаг алдаа, паактууд, аяллын үеийн бэрхшээл, тэдгээрийг шийдвэрлэх арга зам, аяллыг баялаг хөгжилтэй болгох
• Орон орны жуулчдын сэтгэл зүй, тэдгээрийн ялгаа, шаардаж хүсдэг зүйлүүд, тэдэнтэй харилцах соёл
• Төрөл бүрийн аяллын үед хөтөч тайлбарлагчийн хүлээх үүрэг хариуцлага, анхаарах зүйл, аялалд бэлдэх, аяллын хэрэгслийг ашиглах, хураах хадгалах техник
• Хээрийн нөхцөлд хурдан шуурхай хийж болох хоолны цэс, хийх арга, хүнсийг халуун дулаан нөхцөлд хадгалж авч явах арга, аюулгүй хүнсний сонголт хийх, хүнс авах зах цэгүүд
• Аяллын үеийн гэнэтийн ослын үед үзүүлэх эмнэлгийн анхан шатны тусламж, зарим өвчнийг таних шинж тэмдгүүд
• Жуулчдад морь тэмээ унах техникийг заах, өөрийгөө бэлдэх, тэдгээр аяллын үед анхаарах зүйл
• Түүхийн, шашны, байгалийн музей,  зарим түүхэн дурсгалт газруудад тайлбар хийх тус тусын аргачлал, жуулчдын сонирхлыг татах үзмэр ба олдворуудыг онцлох, хөдөө орон нутгийн замд тээврийн хэрэгсэл дотор хийх тайлбар, хот дотор аялах үед тайлбар хийх аргачлал
• Гадаад хэлний мэдлэгээ дээшлүүлэх, гадаад хэлийг сайн эзэмших аргууд, аялал жуулчлалын үг хэллэг, зарим монгол үгийг орчуулан тайлбарлах арга, амьдралын зорилго зорилтоо тодорхойлох, өөрийгөө таньж мэдэх, байгаль экологийн боловсрол олгох хичээлүүд  

Дадлага хичээл

• Монголын үндэсний музейг тайлбарлах дадлага
• Хоттой танилцах аяллын дадлага /Чингис хаан нисэх онгоцны буудал, Зайсан толгой, Сүхбаатарын талбай, Г.Занабазарын нэрэмжит дүрслэх урлагийн музей/
• Орон нутаг руу явах замд хийх тайлбар, газарчийн дадлага, Монгол айлд зочлох, морь унах дадлага
• Монголын аялал жуулчлалд хамааралтай тодорхой сэдвүүдээр асуудал дэвшүүлж багаар ярилцах
• Аяллын маршрут зохиох, түүнийгээ сурталчлан танилцуулах зэрэг дадлага хичээлүүд